उरुआ
.jpg)
उरुआ, उरुवा भा उल्लू एगो अकेल रहे वाला आ रात खा शिकार करे वाला चिरई हवे। बैज्ञानिक बरगीकरण के हिसाब से ई स्ट्रिगीफॉर्मेस कुल के सदस्य हवे जवना में लगभग 200 प्रजाति पावल जालीं। उरुआ आबादीदार दुनिया के लगभग हर भाग में पावल जालें। इनहन के ऊँच ऊपर उठल बड़हन साइज के कपार, दूरबीनी नजर आ दुतरफा आवाज संबेदन के क्षमता होले, पाँख के बनावट बिना आवाज उड़े में मददगार होले आ तेज नोकदार पंजा शिकार करे खाती सटीक बनावट वाला होखे लें। कुछ प्रजाति अपवाद भी बाड़ी जे दिनों में शिकार करे लीं।
उरुआ के शिकार मुख्य रूप से छोटहन मैमल, किरौना, छोट चिरई वगैरह होलीं हालाँकि, इनहन के कुछ प्रजाति मछरी के शिकार भी करे लीं। अंटार्कटिका आ कुछ अउरी बहुत सुदूर टापू सभ के छोड़ के ई बाकी पूरा दुनिया में पावल जालें।
उरुआ सभ के दूगो परिवार में बाँटल जाला: स्ट्रिगीडाई भा असली उरुआ सभ, आ टाईटोनिडाई परिवार के उरुआ सभ जिनहन के अंग्रेजी में बार्न-आउल कहल जाला।
संदर्भ
[संपादन करीं]बाहरी कड़ी
[संपादन करीं] |
विकिमीडिया कॉमंस पर संबंधित मीडिया Strigiformes पर मौजूद बा। |
 |
विकिप्रजाति पर संबंधित जानकारी Strigiformes पर मौजूद बाटे। |
- The Owl Pages (अंग्रेजी में)
 | ई चिरई-संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |