एसिड

जस्ता (जिंक) एगो आम धातु, हाइड्रोक्लोरिक एसिड के साथे रिएक्शन के बाद

एसिड (अंग्रेजी: Acid; हिंदी: अम्ल) अइसन मॉलिक्यूल चाहे आयन होलें जे प्रोटान (हाइड्रोजन के आयन H⁺) दे सके लें (ब्रोंसटेड-लौउरी एसिड) या फिर अइसन जे इलेक्ट्रान जोड़ी के साथे कोवैलेंट बंध बना सके लें (लेविस एसिड)। आसान भाषा में कहल जाय तब ई अइसन केमिकल होलें जे रासायनिक रिएक्शन के समय क्षार (बेस) सभ के हाइड्रोजन के आयन दे सके लें। इनहन के pH मान 7 से कम होला। अइसन पदार्थ जिनहन के ई मान 7 से कम होखे एसिडिक पदार्थ कहालें।

एसिड सभ पानी में घुल जालें आ खट्ट सवाद वाला घोल बनावे लें। क्षार सभ के साथे क्रिया करे पर लवण (साल्ट्स) बनावे लें।