श्रीदेवी

श्रीदेवी कपूर
2013 में श्रीदेवी
जनम	श्री अम्मा यांगर अय्यपन 13 अगस्त 1963 शिवकाशी, मद्रास स्टेट, भारत
निधन	24 फरवरी 2018(2018-02-24) (उमिर 54) दुबई, यूनाइटेड अरब अमीरत
मौत के वजह	हार्ट फेल
पेशा	ऐक्ट्रेस, प्रोड्यूसर
सक्रियता साल	1967–1997, 2012–2018
जीवनसाथी	मिथुन चक्रवर्ती (बि. 1985; तला. 1988) बोनी कपूर (बि. 1996)
संतान	2
सम्मान/पुरस्कार	पद्म श्री (2013)

श्रीदेवी कपूर (जनमनाँव श्री अम्मा यांगर अय्यपन; 13 अगस्त 1963 – 24 फरवरी 2018) भारतीय सिनेमा के एगो ऐक्ट्रेस रहली। आप कैरियर के सुरुआत तमिल सिनेमा से करे वाली श्रीदेवी, बाद में तेलुगु, मलयालम आ हिंदी सिनेमा में काम कइली; सभसे ढेर परसिद्धि इनके हिंदी सिनेमा (बॉलीवुड) में इनके ऐक्ट्रेस के रूप में काम के मिलल। बाद में ई कई गो फिलिम भी प्रोड्यूस कइली।

श्रीदेवी के हिंदी सिनेमा के पहिली औरत "सुपरस्टार" के रूप में पर्सिद्धी मिलल। इनके कुल छह गो फिल्मफेयर अवार्ड मिलल। 90 के दशक में ई सभसे ढेर रकम फीस के रूप में लेवे वाली हिरोइन रहली आ ओह जमाना में सभसे परसिद्ध फिलिम ऐक्ट्रेस भी रहली। भारत सरकार द्वारा इनके काम खाती पद्मश्री अवार्ड दिहल गइल।

24 फरवरी के, दुबई में हार्ट फेल (कार्डियक अरेस्ट) से इनके निधन भ गइल।