हाथी

बाँदीपुर नेशनल पार्क में एगो भारतीय हाथी

हाथी जमीन पर रहे वाला धरती पर के सबसे बड़ जिंदा जानवर हवे। अभिन तीन गो जीवित प्रजाति मानल जाला—अफ्रीकी बुश हाथी (Loxodonta africana), अफ्रीकी जंगल हाथी (L. cyclotis), आ एशियाई हाथी (Elephas maximus)। ई लोग Elephantidae परिवार आ Proboscidea क्रम के अकेल जिंदा बाँचल सदस्य हवे; इनकर कई रिश्तेदार जइसे मेमथ आ मास्टोडन अब बिलुप्त हो चुकल बाड़ें।

हाथी के खास पहचान में लंबा सूँड़, भाला जइसन बाहर निकसल दाँत (टस्क), बड़ कान, खम्हा जइसन मोट पैर, आ मोट बाकी संवेदनशील धूसर चमड़ी शामिल बा। सूँड़ बहुत काम के अंग हवे—ई खाना आ पानी मुँह तक ले आवे के कामे आवे ला, आ चीज पकड़ सकेला। टस्क (दाँत) असल में आगे के दाँत (इनसिजर टीथ) से बनल होखेला, जवन हथियार के रूप में आ चीज उठावे, हिलावे आ खोदाई करे में काम आवेला। बड़हन कान शरीर के तापमान संतुलित रखे में मदद करे लें, आ संचार-संबाद में भी कामें आवे लें। अफ्रीकी हाथिन के कान बड़ होखेला आ पीठ हल्का अंदर धँसल होखेला, जबकि एशियाई हाथी के कान छोट होखेला आ पीठ गोल उभार वाली या फिर लगभग सपाट होखेला।