हनुमान जयंती
| हनुमान जयंती | |
|---|---|
 हनुमान जयंती पर पूजा के दौरान एगो मुर्ती | |
| मनावे वाला | हिंदू लोगन द्वारा |
| प्रकार | धार्मिक |
| महत्त्व | हनुमान जी के जनम के उपलक्ष में |
| Observances | मंदिर जाइल, दान कइल, पूजा कइल, हनुमान चलीसा आ रामायण के बिबिध प्रसंग सभ के पाठ कइल |
| केतना बेर | सालाना |
| संबंधित बा | राम नवमी |
हनुमान जयंती, जेकरा के हनुमान जन्मोत्सव भी कहल जाला,[1] हिंदू देवता आ रामायण आ एकरे कई संस्करण सभ के नायक सभ में से एक हनुमान के जनम मनावे वाला हिंदू परब हवे । भारत के हर राज्य में हनुमान जयंती के तिहुआर समय आ परंपरा के हिसाब से अलग-अलग समय पर होला। भारत के अधिकतर उत्तरी राज्यन में ई परब हिंदू महीना चैत्र (चैत्र पूर्णिमा) के पुर्नवासी के दिन मनावल जाला।[2] तेलुगु राज्य में आंजनेय जयंती के नाँव से ई वैशाखा महीना में हर बहुला (शुक्ल पक्ष) दशमी के तेलुगु कैलेंडर के अनुसार मनावेला । कर्नाटक में, अँजोर पक्ष तेरस के दिन, मार्गशीर्ष महीना में या वैशाखा में हनुमान जयंती मनावल जाला जबकि केरल आ तमिलनाडु नियर कुछ राज्यन में धनु महीना (तमिल में मार्गाझी कहल जाला) में मनावल जाला।
हनुमान जयंती पूरबी राज्य ओडिशा में पन संक्रांति के दिन मनावल जाला, जवन ओडिया नया साल के साथ मेल खाला।[3]
हनुमान जी के राम, विष्णु के अवतार के अनन्य भक्त मानल जाला, जे अपना अटूट भक्ति खातिर व्यापक रूप से जानल जालें।[4] उनुका के बल, बुद्धि आ शक्ति के प्रतीक के रूप में पूजल जाला।[5]
जन्म
[संपादन करीं]
हनुमान एगो वानर हवें, केसरी आ अंजना के घरे जनमल रहलन। हनुमान जी के वायु भा पवन देवता के आकाशीय पुत्र के रूप में भी जानल जाला आ उनुके पवनपुत्र कहल जाला।[6] [7] उनकर माई अंजना एगो अप्सरा रहली जे एगो श्राप के चलते धरती पर पैदा भइल रहली। बेटा पैदा कइला पर एह अभिशाप से मुक्ति मिल गइल।
पूजा
[संपादन करीं]हनुमान के बुराई पर जीत हासिल करे आऊ सुरक्षा प्रदान करे के क्षमता वाला एगो देवता के रूप में पूजा कइल जाला. एह पर्व पर हनुमान के भक्त लोग उनका के मनावेला आ उनकर सुरक्षा आ आशीर्वाद के मांग करेला। उ पचे मंदिरन में उनुकर उपासना करे खातिर मिल के धार्मिक तरीका से चढ़ावा चढ़ावे ला आ एकरा बदलें भक्तन के प्रसाद पावे ला।[2] लोग जे उनका के माने लें आ, ऊ हनुमान चालिसा आ रामायण जइसन हिंदू ग्रंथ से पढ़े लें।[7] भक्त मंदिरन में जालें आ हनुमान के मुर्ती से आपन माथे पर सेनुर के टीका लगावे लें।
किंवदंती के अनुसार, जब हनुमान सीता के अपना माथे पर सेनुर लगावत देखलन, त उ एह रीति रिवाज के बारे में पूछलें। सीता जवाब दिहली कि अइसन करे से उ अपना पति राम के लंबा जीवन सुनिश्चित कर सकेला। तब हनुमान आपन पूरा शरीर के सेनुर से ढकढकावे लगलन, एही से राम के अमरता सुनिश्चित भइल।[8]
साथे-साथ ही इहो मानल जाला कि हनुमान जी के मन में रख के ध्यान करे वाला आ उनकर मंत्र के जाप करे वाला के हमेशा हनुमान जी के आशीर्वाद मिलेला। एकरा अलावा, ओह लोग के जीवन में जवन भी परेशानी आ समस्या होला ओकरा के ओकरा के हनुमान जी एक तरह से चमत्कार क के खतम क देलें।
इहो देखल जाव
[संपादन करीं]संदर्भ
[संपादन करीं]- ↑ "Should Lord Hanuman's Birth Anniversary be Called Janmotsav or Jayanti? Know the Difference Between the Two". Times Now (अंग्रेजी में). 2024-04-19. Retrieved 2025-03-23.
- ↑ 2.0 2.1 Melton, J. Gordon; Baumann, Martin (2010-09-21). Religions of the World: A Comprehensive Encyclopedia of Beliefs and Practices, 2nd Edition [6 volumes] (अंग्रेजी में). ABC-CLIO. ISBN 978-1-59884-204-3. Archived from the original on 11 March 2023. Retrieved 26 February 2023.Melton, J. Gordon; Baumann, Martin (21 September 2010).
- ↑ Biswas, Ramakanta. "Pana Sankranti, Odia New Year Observed Across Odisha; PM, CM Greet People" (अंग्रेजी में). Archived from the original on 27 February 2023. Retrieved 5 April 2023.
- ↑ Lochtefeld, James G. (2002). The Illustrated Encyclopedia of Hinduism: A-M (अंग्रेजी में). Rosen. pp. 271–272. ISBN 978-0-8239-3179-8.
- ↑ Verma, Manish (2013). Fasts and Festivals of India (अंग्रेजी में). Diamond Pocket Books (P) Ltd. ISBN 978-81-7182-076-4. Archived from the original on 11 March 2023. Retrieved 26 February 2023.
- ↑ Cole, Owen; Kanit, V. P. Hermant (2010-06-25). Hinduism - An Introduction (अंग्रेजी में). John Murray Press. ISBN 978-1-4441-3100-0. Archived from the original on 11 March 2023. Retrieved 26 February 2023.
- ↑ 7.0 7.1 Lochtefeld, James G. (3 March 2024). The Illustrated Encyclopedia of Hinduism. Rosen Publishing. pp. 272–273. ISBN 978-0-8239-2287-1. Archived from the original on 2 February 2023. Retrieved 19 March 2023.
- ↑ Agarwal, Ruchi (2018). "Hanumān (Hanumant, Hanūman)". Google Scholar.
बाहरी कड़ी
[संपादन करीं]
विकिमीडिया कॉमन्स पर Hanuman Jayanti से संबंधित मीडिया
