वाल्ट ह्विटमैन

Walt Whitman
Whitman in 1887
जनम	Walter Whitman Jr. (1819-05-31)मई 31, 1819 Huntington, New York, U.S.
Died	मार्च 26, 1892(1892-03-26) (उमिर 72) Camden, New Jersey, U.S.
Burial place	Harleigh Cemetery, Camden, New Jersey, U.S.
Occupations	Poet essayist journalist
Signature

वॉल्टर व्हिटमैन जूनियर (31 मई 1819 — 26 मार्च 1892) अमेरिका के कबी, निबंधकार आ पत्रकार रहलें; उनकर लिखल दू गो उपन्यासो बाड़ें। ऊ अमेरिकी आ विश्व साहित्य के सबसे प्रभावशाली कवियन में गिनल जालें। व्हिटमैन आपन लिखाई में ट्रांससेंडेंटलिज़्म आ रियलिज़्म दूनो के मेल बइठवलें, आ एही कारण से उ “फ्री वर्स के जनक” कहल जालें। उनकर 1855 में प्रकाशित भइल कविता-संग्रह लीव्ज ऑफ ग्रास खुल्ला तरीका से देह-भावना के जिकिर करे के चलते अपना समय में विवादास्पद मानल गइल।

व्हिटमैन के जनम लांग आइलैंड के हंटिंगटन में भइल आ बचपन से लेके करियर के बड़का हिस्सा ऊ ब्रुकलिन में बितवलें। 11 बरिस के उमिर में ऊ औपचारिक पढ़ाई छोड़ के काम करे लगलें। पत्रकार, शिक्षक आ सरकारी क्लर्क के रूप में काम कइलें। उनकर प्रमुख कविता-पुस्तक लीव्स ऑफ ग्रास पहिलका बार 1855 में उनकर खुद के पइसा से छपल आ धीरे-धीरे प्रसिद्ध हो गइल। ई रचना आम आदमी तक पहुँचे वाला “अमेरिकी महाकाव्य” बनावे के कोशिश रहे। मौत तक व्हिटमैन लगातार एह किताब में जोड़-घटाव करत रहलें।

अमेरिकी सिविल वार के दौरान व्हिटमैन वाशिंगटन डी.सी. गइलें, आ उहवाँ अस्पतालन में घायल सिपाही सभ के सेवा कइल करें। उनकर कविता में अक्सर बिछोह आ उपचार (हीलिंग) दूनो भाव एक साथ मिलेला। ऊ राष्ट्रपति अब्राहम लिंकन के बहुत मानें, आ लिंकन के हत्या पर कई कविता लिखलें — जइसे “ओ कैप्टन! माय कैप्टन!” आ “व्हेन लिसास लास्ट इन द डोरयार्ड ब्लूम्ड” — आ बाद में लिंकन पर व्याख्यान भी दिहलें। अपना जिनगी के के आखिरी समय स्ट्रोक पड़ला के बाद व्हिटमैन कैमन, न्यू जर्सी में आ बसलें, जहंवा तबियत अउरी बिगड़त गइल। 72 बरिस के उमिर में उनकर निधन भइल, आ उनकर अंतिम यात्रा सार्वजनिक रूप से भइल।

व्हिटमैन के प्रभाव आजो कविता पर गहिरा बा। कला-इतिहासकार मैरी बेरेंसन लिखेली: “अमेरिका के सचमुच समझल मुश्किल बा अगर रउआ व्हिटमैन आ लीव्स ऑफ ग्रास ना पढ़नी।” आधुनिकतावादी कवि एजरा पाउंड उनकरा के “अमेरिका के कवि… वही अमेरिका हउवे” कहले। पॉयट्री फाउंडेशन के हिसाब से व्हिटमैन “अमेरिका के विश्व-कवि — होमर, वर्जिल, दांते आ शेक्सपियर के बाद वाला उत्तराधिकारी” मानल जालें।