मालिनी अवस्थी

मालिनी अवस्थी
2016 में मालिनी अवस्थी
Background information
Born	कन्नौज, उत्तर प्रदेश, भारत
Origin	लखनऊ, उत्तर प्रदेश, भारत
Genres	भारतीय लोक संगीत
Occupation	लोकगीत गायिका
Years active	1985 – अबले

मालिनी अवस्थी (जनम: 15 अक्टूबर 1966) एगो भारतीय गायिका बाड़ी, जिनका के अक्सर "भारत के लोकगीतन के रानी" (फोक क्वीन ऑफ़ इंडिया) कहल जाला। शास्त्रीय संगीत के बाकायदा तालीम लिहले के कारण ऊ हिंदुस्तानी संगीत के कई ठे रूप, जइसे पुरान दादरा, ठुमरी, कजरी, चैती आदि में बराबर निपुण बाड़ी। संगीत के उनकर गहिर जानकारी उनकर गावल गजल आ सूफियाना कलाम सभ में भी साफ झलकेला।

ऊ पद्म विभूषण सम्मानित विदुषी गिरिजा देवी के गंडा-बाँध शिष्या बाड़ी आ बनारस घराना के चौमुखी गायन परंपरा के जानकार मानल जाली। अवधी, भोजपुरी, बुंदेली आ ब्रज जइसन कई गो बोली आ भाषा पर उनकर बराबर पकड़ बा।