पिज्जा

पीत्सा

पित्जा मार्गेरीटा
किसिम	चापट रोटी
खाए के समय	लंच चाहे डिनर
उत्पत्ती अस्थान	इटली
क्षेत्र	कैंपानिया (नेपल्स)
परोसे के ताप	गर्मागर्म चाहे कुछ गरम
मुख्य सामग्री	आटा आ सॉस
बिबिध रूप	Calzone, panzerotti, Stromboli (food)
मीडिया: पीत्सा

पिज्जा चाहे पित्ज़ा (Pizza) इटली देस मूल के एगो पकवान हवे जे आजकाल बहुत जगहन पर चलनसार बा। ई आटा-मैदा के गोल चापट (मोट रोटी नियर) आधार (बेस) पर तरह-तरह के सब्जी आ अउरी सामान के टॉपिंग के साथे सेंक के बनावल जाला।

आमतौर प एकरा बेस के बनावे खातिर गोंहूँ के आटा-मैदा इस्तेमाल होला जेह में कई बेर भराँव (स्टफिंग) के इस्तेमाल हो सके ला। ऊपर के छिडकाव में टमाटर, शिमला मिरचा, मशरूम, ऑलिव, पनीर, आ अउरी कई किसिम के चीज हो सके ला। परंपरा अनुसार इटली में ई लकड़ी के आगी पर रखल तंदूर पर सेंकल जाय आ बिना काटले परोसल जाय। हालाँकि, आजकाल ई आधुनिक ओवन सभ में तेज आँच पर सेंकल जाला आ कई पीस में काट के परोसल जाला।

कई देसन में, जेह में भारतो सामिल बा, वर्तमान में ई आर्डर करे वाला फास्ट-फ़ूड सभ में से सभसे चलनसार आइटम में से एक बा।