पलाश

पलाश
Top: inflorescence, bottom: leaf
बैज्ञानिक वर्गीकरण
Unrecognized taxon (fix):	Butea
प्रजाति:	Template:Taxonomy/ButeaB. monosperma
दूपद नाँव
Butea monosperma (Lam.) Taub.
अउरी दूसर नाँव
Butea frondosa Roxb. ex Willd. Erythrina monosperma Lam. Plaso monosperma (Lam.) Kuntze

पलाश भा परास (भोजपुरी उच्चारन), एगो छोट से माझिल साइज के फेड़ हवे। वनस्पति बिज्ञान में ई बूटिया मोनोस्पर्मा (Butea monosperma आ पर्यायवाची Butea frondosa Roxb.) के नाँव से जानल जाला आ मूल रूप से बूटिया जाति के दू गो प्रजाति सभ में से एक हवे। हिंदी में एकरा के ढाक के नाँव से भी जानल जाला। ई बसंत रितु के सुरुआत में अपना लाल-नारंगी फूल सभ खातिर परसिद्ध हवे जेकरा चलते एके अंग्रेजी में "फ्लेम ऑफ़ दि फॉरेस्ट" (मने कि "जंगल के आगि") के उपाधि दिहल गइल हवे।

ई भारतीय मूल के पेड़ मानल जाला। भारत, नेपाल आ बंगलादेश में पावल जाला। हिंदू धर्म में ई पबित्र फेड़ मानल गइल हवे। कई पूजा सभ में एकरे पत्ता के इस्तेमाल होखे ला। नवग्रह सभ में ई चंद्रमा के पेड़ मानल गइल हवे आ अक्सर नक्षत्र-वाटिका आ नवग्रह-वाटिका सभ में लगावल जाला। सुघर फूल खातिर ई शोभा के पेड़ के रूप में भी लगावल जाला। एकर पत्ता लाह के किरौना सभ खातिर परसिद्ध हवे जेपर लाख के खातिर इनहन के पोसल जाला। एही से एह पेड़ के एगो नाँव मालाबार लाख ट्री भी हवे। एकरे पत्ता से पत्तल आ दोना भी बनावल जाला।