ध्रुव राठी

ध्रुव राठी
2019 में ध्रुव राठी
Born	(1994-10-08) 8 अक्टूबर 1994 रोहतक, हरियाणा, भारत
Education	कार्ल्सरूहे इंस्टीट्यूट ऑफ टेक्नोलॉजी (बीएससी, एमएससी)
Occupations	यूट्यूबर सामाजिक कार्यकर्ता व्लॉगर
Years active	2014–अब तक ले
Spouse	जूली एलबीआर (बि. 2021)
Children	1
Instagram information
Page	ध्रुव राठी
Followers	18 मिलियन
X information
Handle	@dhruv_rathee
Followers	3.2 मिलियन
YouTube information
Channels	ध्रुव राठी ध्रुव राठी व्लॉग्स ध्रुव राठी शॉर्ट्स
Years active	2014–अबले
Genres	राजनीतिक टिप्पणी फैक्ट चेक समाचार व्लॉग
Subscribers	32.4 मिलियन (मुख्य चैनल) 40.66 मिलियन (कुल)
Views	5.68 बिलियन (मुख्य चैनल) 8.75 बिलियन (कुल)
Last updated: 24 मई 2026
Website	dhruvrathee.com

ध्रुव राठी (जनम: 8 अक्टूबर 1994) भारतीय यूट्यूबर, इन्फ्लुएंसर आ एक्टिविस्ट बाड़ें। ऊ सामाजिक, राजनीतिक आ पर्यावरण संबंधी मुद्दन पर बनावल अपना यूट्यूब बीडियो खातिर प्रसिद्ध बाड़ें। 24 मई 2026 तक उनकर अलग-अलग यूट्यूब चैनलन पर 4 करोड़ से बेसी सब्सक्राइबर आ 800 करोड़ से बेसी व्यूज रहल। एकरे अलावा, इंस्टाग्राम पर उनकर 1.8 करोड़, X पर 32 लाख आ फेसबुक पर 66 लाख फॉलोअर रहलें।

जिनगी

ध्रुव राठी के जन्म 8 अक्टूबर 1994 के भारत के हरियाणा में एगो हरियाणवी हिंदू जाट परिवार में भइल। ऊ आपन शुरुआती पढ़ाई हरियाणा में पूरा कइलें। एकरा बाद ऊ उच्च शिक्षा खातिर जर्मनी गइलें, जहाँ कार्लसरूहे इंस्टीट्यूट ऑफ टेक्नोलॉजी से मैकेनिकल इंजीनियरिंग में बैचलर डिग्री आ रिन्यूएबल एनर्जी में मास्टर डिग्री हासिल कइलें।

कैरियर

ध्रुव राठी मुख्य रूप से अपना राजनीतिक बीडियो सभ खातिर जानल जालें। उनुके बीडियो में अधिकतर फैक्ट-चेकिंग आ व्याख्यात्मक सामग्री होखे ले। द प्रिंट के अनुसार, ध्रुव राठी भारत के पहिलका यूट्यूबरन में से रहलें, जे यूट्यूब के राजनीतिक मंच के रूप में प्रभावी ढंग से इस्तमाल कइलें। ऊ 2013 में यात्रा से जुड़ल बीडियो अपलोड करे शुरू कइलें, बाकिर ओही साल के अंत तक आपन ध्यान राजनीतिक आ सामाजिक मुद्दन पर केंद्रित कर दिहलें।

गंभीर विषयन पर बीडियो बनावे के साथे-साथे ध्रुव राठी "पी न्यूज़" नाम से एगो व्यंग्यात्मक "फर्जी समाचार" (फ़ेक न्यूज़) कार्यक्रम शुरू कइलें। एकरे अलावा, 2017 से 2020 के शुरुआत तक ऊ द प्रिंट में नियमित रूप से ओपिनियन कॉलम लिखत रहलें।

जुलाई 2020 में ध्रुव राठी "ध्रुव राठी व्लॉग्स" नाम से एगो नया यूट्यूब चैनल शुरू कइलें, जहाँ ऊ अपना बिदेस यात्रा के व्लॉग साझा करेलें। एकरे अलावा ऊ डॉयचे वेले (रेडियो जर्मनी) के डीडब्लू ट्रैवेल, नेटफ्लिक्स इंडिया के डिकोड विद ध्रुव, आ स्पॉटिफाई पर प्रसारित होखे वाला "महा भारत विद ध्रुव राठी" नामक पॉडकास्ट के संचालन करे लें।