डीप लर्निंग

मशीन लर्निंग के छेत्र में डीप लर्निंग (DL) एगो अइसन तरीका हवे जे मल्टीलेयर्ड (कई ठे लेयर वाला) न्यूरल नेटवर्क के इस्तेमाल करके क्लासिफिकेशन, रिग्रेशन आ रिप्रेजेंटेशन लर्निंग जइसन काम करेला। ई क्षेत्र बायोलॉजिकल न्यूरोसाइंस से प्रेरणा लेला आ एकर मुख्य आधार आर्टिफिशियल न्यूरॉन के अलग-अलग लेयर में जोड़ के डेटा प्रोसेस करे खातिर “ट्रेन” कइल होला। मूल रूप से ई मशीन द्वारा गहिराई से कौनों पैटर्न के पहिचान करे खातिर इस्तमाल होखे ला।

“डीप” शब्द के मतलब नेटवर्क में कई गो लेयर के इस्तेमाल से बा; मने कि परत-दर-परत गहिराई में उतर के पैटर्न के चीन्हे के कोसिस कइल। ई लेयर तीन से लेके सैकड़न चाहे हजारन तक ले हो सके लीं। एह में इस्तेमाल होखे वाला तरीका सुपरवाइज्ड, सेमी-सुपरवाइज्ड चाहे अनसुपरवाइज्ड हो सके ला।