जाति जनगणना

जाति जनगणना Caste census
General information
Country	भारत
Topics	Census topics जाति
Authority	गृह मंत्रालय उत्तर प्रदेश के राज्यपाल
Results
प्रस्ताव आ एनाउंसमेंट	30 अप्रैल 2025
जेकर हिसा हवे	आगामी भारतीय जनगणना (2021 लंबित)

जाति जनगणना (अंग्रेजी: caste census) चाहे जातिगत भा जाति आधारित जनगणना भारत सरकार द्वारा करावल जाए वाली अइसन जनगणना हवे, जवना में लोग के जाति संबंधी जानकारी भी दर्ज कइल जाई। 30 अप्रैल 2025 के प्रधानमंत्री नरेन्द्र मोदी के नेतृत्व में मंत्रिमंडल के राजनीतिक मामला समिति (CCPA) ई फैसला कइलस कि अगिला राष्ट्रीय जनगणना में जाति के गणना भी शामिल कइल जाई। हालाँकि, एह जनगणना के सटीक तारीख के अबले घोषणा नइखे भइल। एह कारण ई भी स्पष्ट नइखे कि अगिली जनगणना कब आयोजित कइल जाई। बस अनुमान भर बाटे कि 2027 के फरवरी ले जनगणना हो सके ले।

केंद्रीय मंत्रिमंडल के एह फैसला के घोषणा अश्विनी वैष्णव कइलें। ई फैसला के अइसन कदम मानल जा रहल बा, जवना से भारत सरकार के बेसी न्यायसंगत आ टार्गेटेड पॉलिसी बनावे में मदद मिली। अमित शाह एह फैसला के "ऐतिहासिक फैसला" बतवले। उनकर कहनाम रहल कि ई फैसला सामाजिक "न्याय खातिर सरकार के कमिटमेंट" के चीन्हा हवे।

जुलाई 2026 में आइल एगो खबर के मोताबिक 2027 के जनगणना में एगो खुला सवाल (ओपन-एंडेड सवाल) होखी जेकरा जबाब में लोग आपन जाति दर्ज करा सकी। कुछ लोग एकर आलोचनों क रहल बाटे कि एकरा चलते अइसन डेटा आई जे कवनों इस्तेमाल के ना रही।