काँकरि,[1]काँकर भा ककड़ी (अंग्रेजी: rmenian cucumber; बैज्ञानिक नाँव: Cucumis melo var. flexuosus) गरमी के सीजन में होखे वाली एगो फसल हवे जेह में लमहर फल फरे लें जिनहन के सवाद खीरा से मिलत-जुलत होला आ भीतर से देखहू पर ई खीरे नियर होखे ले। कई बेर खीरा आ ककड़ी के लोग आपस में भरमबस अदल-बदल के बोलावे ला, हालाँकि, ई दुनो अलग-अलग प्रजाति के हवें।[2]ई भारतीय उपमहादीप में जायद के फसल हवे। बैज्ञानिक रूप से ई खरबुज्जा के प्रजातिकुकुमिस मेलो एक ठो के किसिम हवे। अंग्रेजी में एकर कई गो नाँव बाड़ें - आर्मीनियन कुकुंबर, स्नेक कुकुंबर आ यार्ड-लॉन्ग कुकुंबर।
