ओवरशूट (आबादी)

पर्यावरण बिज्ञान में एगो कॉन्सेप्ट होला लोकल कैरीइंग कैपेसिटी — मने की ऊ अधिकतम आबादी जवना के कौनों जगह क इकोसिस्टम सस्टेनेबल तरीका से सपोर्ट क सकत होखे। जब कौनों आबादी एह अधिकतम के पार क जाला — अइसन स्थिति के पॉपुलेशन ओवरशूट (अंग्रेजी: population overshoot) के नाँव दिहल जाला। अगर लोकल इकोसिस्टम के संसाधन सभ जेतना तेजी से दोबारा बने लें (री-जेनरेट होलें) ओकरा ले बेसी तेजी से ओह जगह के आबादी उनहन के इस्तेमाल (उपभोग) क के खरच क देवे — आबादी क्रैश के दशा पैदा हो सके ला। ओवरशूट के ई स्थिति खाली भर आदमी के आबादी के ऊपर ना लागू होला बलुक अउरियो ओह सगरी प्रजाति सभ पर लागू होला जे जिंदा रहे खातिर लोकल इकोसिस्टम के संसाधनन के उपभोग पर निर्भर होखे लीं।