ऑक्सीजन सिलिंडर आ ऑक्सीजन टंकी

विकिपीडिया से
(ऑक्सीजन सिलिंडर से अनुप्रेषित)
ऑक्सीजन सिलिंडर
दस लीटर के एगो ऑक्सीजन सिलिंडर

ऑक्सीजन सिलिंडर (Oxygen cylinder) आ ऑक्सीजन टंकी (Oxygen tank) अइसन टंकी होला जे ऑक्सीजन के भंडारण करे के कामे आवे ला। इनहन में हाई प्रेशर में ऑक्सीजन गैस सहेज के राखल जाले जवना से की बिबिध किसिम के जरूरत सभ में कामे आ सके। इहो दू किसिम के होखे लें: आम ऑक्सीजन सिलिंडर में हाई प्रेशर पर ऑक्सीजन गैस भरल होले जबकि क्रायोजेनिक टंकी में बहुत कम तापमान पर ऑक्सीजन के लिक्विड (तरल) रूप में रखल गइल रहे ला। एह टंकी आ सिलिंडर सभ के मेडिकल इलाज में, पहाड़ पर चढ़ाई करे में (बोतलबंद ऑक्सीजन के रूप में), समुंद्र के भीतर डाइविंग करे में, आ अउरी कई किसिम के इंडस्ट्री सभ में (जइसे कि इस्टील प्लांट में, या ऑक्सीजन वेल्डिंग करे में) इस्तेमाल होला। मेडिकल ऑक्सीजन आ इंडस्ट्रियल ऑक्सीजन अलग-अलग होला।