अनुनासिक

अनुनासिक इंडो-आर्यन भाषा सभ में एक किसिम के उच्चारण ह जे मुँह आ नाक दुनों के मदद से होला। ई स्वर आ व्यंजन सभ के मुँह से उच्चारण करत घरी कुछ हद तक नाक से हवा निकले के परिणाम होला। देवनागरी लिपि में ई चंद्रबिंदी के रूप में लिखल जाला। जनरल भाषा बिज्ञान में ई नैसलाइजेशन के समकक्ष हवे। एकरा के अक्सरहा अनुस्वार के साथे कन्फ्यूज कइल जा सके ला काहें की दुनों के उच्चारण मिलत-जुलत होला आ लोकल परभाव भा प्रमाद के चलते इनहन के उच्चारण में आपस में अदला-बदली हो सके ला; कबिता में छंद के सही रखे खातिर; वर्ण के मधुर बनावे खातिर चाहे अउरी कारन से इनहन के अदला-बदली हो सके ला। देवनागरी लिखाई में कई जगह अनुनासिक के चंद्रबिंदी से लिखे की बजाय खाली बिंदी से लिख दिहल जाला, एहू कारन भरम के इस्थिति पैदा हो जाला।

संस्कृत व्याकरण में

पाणिनि के अष्टाध्यायी में एकरा खातिर सूत्र हा - "मुखनासिकावचनोऽनुनासिको"।

स्रोत ग्रंथ

• Shaastri, Vishwanaath; Shastri, Parishishtkar; Shastri, Lakshminarayan (2009). Laghusiddhaantkaumudi 'Shrivardaraajpraneeta : 'Paniniya-Vyakaran-Praveshika (Sanskrit में). Motilal Banarsidass Publishe. ISBN 978-81-208-2427-0. Retrieved 2025-06-20.

• Guru, Kamta Prasad (2018-07-27). Hindi Vyakaran: Bestseller Book by Kamta Prasad Guru: Hindi Vyakaran (Hindi में). Prabhat Prakashan. ISBN 978-93-86871-59-6. Retrieved 2025-06-20.