काला नमक

विकिपीडिया से
काला नमक
काला नमक के कुछ ढोंका
दूसर नाँवकरियवा नून, Black salt, बिरे नून, पदनहवा नून
क्षेत्रभारतीय उपमहादीप (दक्खिन एशिया); खासकर हिमालय के निचला इलाका में उत्पादन होला।

काला नमक (अरथ: करियवा नून) एक किसिम के बनावटी नून (नमक) हवे जे प्राकृतिक चट्टानी नून के कई चीज के साथे भट्ठा में तपा के बनावल जाला। मुख्य रूप से ई भारतीय उपमहादीप (भारत, पाकिस्तान, नेपाल वगैरह) में बनावल आ इस्तेमाल कइल जाला। एकर सवाद आम नून से कुछ कम नुन्छाह होला बाकी एह में बिसेस किसिम के तीखा सवाद आ गंध होखे ला।

काला नमक के मुख्य चीज आम नून नियर सोडियम क्लोराइडे होखे ला बाकी एह में अउरी कई अइसन तत्व मिले लें जिनहन के कारन एकर रंग गुलाबी से ले के मैरून आ करियाहूँ तक ले हो जाला। पीसल काला नमक के पाउडर गुलाबी से बैंगनी रंग के बीच होला।

आमतौर पर ई नून भोजन के चीज सभ में ऊपर से छिरिकल जाला। सलाद, चाट, फल के चाट वगैरह पर, माठा-दही में चाहे दहीबड़ा में ऊपर से छिरिक के एकर बहुत इस्तेमाल होला। भारतीय परंपरागत इलाज के सिस्टम आ आयुर्वेद आ यूनानी सिस्टम में एकर इस्तेमाल होला।

इहो देखल जाय[संपादन करीं]